1930 онд тэр үеийн Тариат, Сар хөвших сумуудыг нэгтгэн “Нарийн хар” нэртэй болж сумын анхны даргаар Базарын Цэрэндулам гэдэг эмэгтэй сонгогдож байжээ.Их Богд уулын зүүн хойд хэсэгт Түйн голын хөвөөнд түүхэн домогт газар болох Бодийн дэнж дээр байрладаг.Тал, хээр, говь хосолсон 531,3 мянган га нутаг дэвсгэртэй үүнээс 99,2 га хадлан-гийн талбайтай.
Мал аж ахуйгаас зонхилон ямаан сүрэг өсгөж үржүүлдэг.Нутагтаа хоёр зуугаад өвөлжөө хаваржаатай. Улаанбаатар хотоос 720 км, Баянхонгор аймгийн төвөөс 100 км-т алслагдсан. Богд, Өлзийт, Баацагаан, Баянговь, Баян-Овоо сумуудтай хиллэдэг.
Далайн түвшнээс 1000-2000 м өндөрт өргөгдсөн. Цагаан зээр, үнэг, хярс, чоно,тарвага, аргаль, янгир зэрэг ан амьтан, цульхир, гоёо, цагаан давс, сонгино, хармаг зэрэг хүн малын эмийн болон хүнсний хэрэгцээт ургамалтай.
Нарийн харын нуруу, Хонгорын тал, Хүйс, Хөнөгийн хоолой, Тэвшийн хүрэн, бургас, улиас ургасан Хавцгайтын Хавцалд, Жинст, Зүрх хайрхан зэрэг үзэсгэлэнт үржил шимт нутагтай.
Зэс молибден, алт, хүрэн гантиг, хүрэн нүүрс, болор, төмрийн хүдэр, цахиур, гялтагнуур, зөөлөн билүү зэрэг ашигт малтмалтай. Жилдээ 1000 тн хужир, 100 тн давс ашиглах боломжтой.
Тус сумаас Монгол Улсын Гадаад явдлын яамны сайд асан Л.Тойв, элчин сайд асан С.Цэдэндамба, 1939 он, 1945 оны ахмад дайчин Цэргийн гавъяаны улаан тугийн одонт Г.Санги, Д.Рэнцэн, Б.Лундаа болон ахмад дайчин Ш.Батаа, Ц.Жанцан, Ш.Жанчив, Б.Балжин, Ц.Пүрэв, П.Даариймаа, Бямба, Монгол Улсын хүний гавъяат их эмч Г.Цулбуур, Боловсролын Их Сургуулийн гадаад хэлний тэнхимийн эрхлэгч, доктор профессор С.Эрдэнэмаам, Доктор профессор С.Дашцэвэл, Ш.Паламдорж, Л.Жамц, В.Сүхбаатар, А.Лхүгтэгсүрэн, Д.Жанцан, П.Санги-Очир, сэтгүүлч Д.Дорждулам, Урлаг судлаач С.Юндэнбат, хурандаа А.Чимэдцэрэн, ардын боловсрол, соёлын тэргүүний ажилтан О.Бямбаа, С.Гончигдорж, О.Сангидорж, П.Тогоо, Г.Сандагдорж, Б.Ганчимэг зэрэг алдар гавъяатан, эрдэм номын тэргүүний хүмүүс төрж гарсны зэрэгцээ сум, орноо хөгжүүлэх үйлсэд олон жил идэвхи санаачилга, үр бүтээлтэй ажилласан Г.Долгор, С.Соном-Иш, Ц.Баахүү, Ц.Пунцагданзан, А.Содном, Г.Вандан, Б.Доржсүрэн, Боловсролын тэргүүний ажилтан Б.Сосорбарам зэрэг алдартнууд төрж гарсан байна.
Малчин Б.Даваасүрэн, С.Дашдондог, С.Доржням, мал тууварчин Д.Дэмбээ, Б.Очирхүү нар “Улсын аварга малчин” цол тэмдэг, Д.Пүрэв, Ж.Баатарсүрэн, И.Долгор, Т.Мягмар, Д.Галбадрах зэрэг малчид мал сүргээ өсгөн “Мянгат малчин” болжээ.
2004 онд Жинст сум байгуулагдсаны түүхт 80 жилийн ойгоороо Ойртын хаан Галдан бошигт овоо босгож Бодь нэр хайрласан Монголын түүхэн домогт дэнж дээр суварга хөшөө шинээр байгуулан мөнхжүүлсэн байна.
Тус суманд 9-н жилийн дунд сургууль, Цэцэрлэг, Хүний их эмчийн салбар, Эмийн сан, Соёлын төв, Холбооны болон ХААН банкны салбарууд тус тус ажиллаж байна.
Мөн “Бодь”, “Тулга”, “Өргөө” зэрэг хоршоо байгуулагдан хувийн хэвшлийн үйлдвэрлэл үйлчилгээ явуулан ажиллаж байна.
Орон нутгийн өөрөө удирдах ёсны байгууллага болох ИТХ-ын байгууллага 1992 оноос байнгын үйл ажиллагаа явуулж ИТХ-ын Тэргүүлэгчдийн даргаа С.Батаа, А.Ганболд, З.Цэрэндорж, сумын Засаг даргаар Г.Нямхүү, Б.Мягмарсүрэн, С.Тэгшбаяр нар сонгогдон ажилласан.
Жинст сумаас аймгийн арслан Цэрэндоржийн Намжил, Жавзангийн Төмөр, сумын заан Б.Сэрдамба, Д.Лхагвасүрэн зэрэг хүчиm бөхчүүд, алдарт уяач Б.Сангисүрэн, “Тэргүүний уран сайханч” дуу хөгжмийн багш С.Гончигдорж зэрэг спорт, урлагийн олон арван авъяастнууд төрөн гарсан.