УИХ-ын Тамгын газар, НҮБ-ын хөгжлийн хөтөлбөр, Швейцарийн хөгжлийн агентлагийн дэмжлэгтэйгээр орон нутагт хэрэгжүүлж буй  “Нутгийн өөрөө удирдах байгууллагын чадавхийг бэхжүүлэх нь” төслийн хүрээнд манай аймагт 2015 оны 09 дүгээр сарын 24-25-ны өдрүүдэд “Нутгийн удирдлагад эмэгтэйчүүдийн манлайлал” аймаг, сумдын Иргэдийн Төлөөлөгчдийн хурлын эмэгтэй төлөөлөгчдийн сургалт зохион байгуулагдлаа. Сургалтыг МОНФЕМНЕТ үндэсний сүлжээ ТББ-ын Ерөнхий зохицуулагч Д.Энхжаргал, Иргэдэд туслах хүний эрхийн төвийн тэргүүн С.Дондов, Хууль-Хүний эрх төв ТББ-ын тэргүүн Д.Цэнд-Аюуш, Нийслэлийн Баянзүрх дүүргийн Иргэдийн Төлөөлөгчдийн хурлын төлөөлөгч Д.Нэргүй, Архангай аймгийн Иргэдийн Төлөөлөгчдийн хурлын төлөөлөгч Ж.Ариунаа, Баянхонгор аймгийн Иргэдийн төлөөлөгчдийн хурлын төлөөлөгч Ж.Дулмаа нар удирдан явууллаа.
Сургалтанд оролцогч эмэгтэй төлөөлөгчид "Манлайллын тухай одоогийн ойлголт", "Хэнийг төлөөлөх, нийгмийн бүтцийн зураглал", "Тулгамдсан асуудлыг тодорхойлох, шинжлэх", "Эрх мэдлийн хуваарилалтыг шинжлэх", "Эмэгтэйчүүдийн төлөөлөл ба ардчилал", "Нийтийн сайн сайхны төлөө/хамтын манлайлал", "Стратегитайгаар төлөвлөх", "Нөлөөллийн хүрээгээ бэхжүүлэх" зэрэг сэдвүүдээр мэдлэг мэдээлэл олж авсан юм.
Энэхүү сургалтанд оролцсноор мэдлэгийн хүрээгээ тэлж олон зүйлийг сурч мэдсэн, мөн цаг үеэ олсон чухал сургалт болсон талаар эмэгтэй төлөөлөгчид талархан ярьж байв.