Цэрэндоржийн Баахүү /191-1989/  1921 онд Жинст сумын   нутагт төрсөн. 1941  оноос  Сулинхээрийн отрядад  5 жил   цэргийн алба хааж, нутагтаа ирээд  сумын хоршооны  нярав,улаан  булангийн эрхлэгч, 1947-1950 онд Богд сумын дарга, 1950-1960 онд  аймгийн зохион  зааварлах хэлтэст зааварлагч, Баянхонгор  аотын  анхны  дарга,  1960-19740 онд Цагаан голын ердийн  хөсгийн баазын дарга, нэгдлийн  орлогч дарга,орлогч дарга, аймгийн нийгэм хангамжийн товчооны дарга, 1970-1980 онд сум  нэгдлийн  орлогч  даргаар ажиллажээ. 1983-1988 онд Жинст  сумын   Адгийн цагааны  өвс тэжээлийн   үйлдвэрийн  ажлыг   сайжруулах намын   даалгавраар   тус   үйлдвэрийн   даргаар  томилогдон  ажиллаж  байв. Баахүү МАХН-ын  бүгд худалд 2 удаа, ХII  их хуралд  төлөөлөгчөөр, Нэгдэлчдийн их хуралд  2 удаа сонгогдож байв. Түүний   хөдөлмөр   зүтгэдийг  төр үнэлж  “Алтан гадас” одонгоор 2 удаа , Хөдөлмөрийн  хүндэт медаль, Ардын хувьсгалын   ойн медаиуд, нэгдэлжих  хөдөлгөөн  ялсны  30 жил,Миллитарист Японыг ялсаны   ойн медаль, Залуу  үеийг  халамжлан   хүмүүжүүлэгч цол тэмдэг, таван жилийн гавшгайч   тэмдэгээр шагнажээ.
    Сангидоржийн  Базар- 1932 онд Жинст суманд  төрсөн. 1942 онд  сумын  бага сургуульд орж,  Баянхзүрх сумын  7 жилийн   дунд сургуулийг  1949  онд  төгсөөд Баацагаан суманд  бага ангийн багш,1951 оноос  Баянговь суманд  бага  ангийн   багш, 1951 оноос  Баян-Өндөр  суманд  бага ангийн  , 1954 оноос Баянцагаан, Шинэжинст  суманд  бага ангийн багш. 1970 оноос Баянцагаан  сумын   дунд  сургуульд Монгол хэл, уран зохиолын  багш, 1972 оноос  Шинэ жинст  сумын 8 жилийн   сургуулийн  захирал,зөвлөх багш, Монгол хэл, уран зохиолын  багшаар 45 жил ажилласнаас  Баянцагаан  сумын  10 жилийн  сургуульд  гуч  гаруй жил багш, захирлаар  ажилласан байдаг.
    Түүнийг  хөдөлмөрийг  төр засаг   өндөр  үнэлэн  “Алтан гадас” одон, Хөдөлмөрийн хүндэт  медаль, Засгийн  газрын жуух бичиг, Ардын хувьсгалын  40,45,60,70,80 жилийн ойн  медалиуд Ардын   боловсролын  тэргүүний  ажилтан цол тэмдэгээр шагнаж  ,МАХН-ын  ахмад  зүтгэлтэн болжээ.
    Шаравдоржийн Батаа /1924-2000/ 1924 онд   Баянговь сумын нэтг  төрсөн. Мал малллаж  байгаад  1944 онд  19 настай цэргийн албанд   татагдан  1945 оны байлдаанд  оролцож, Тамсаг  булагийн   цэргийн ангид  5 жил  их  бууны  наводчикаар дайны   талбарт   эх  орноо  хамгаалж   явсан   ахмад  дайчин. Түүний  хөдөлмөр  зүтгэлийг   үнэдэн Байлдааны медаль, “Бид ялав” медалиар  шагнасан. Батаа  1949 онд цэргээс  халагдах үедээ   Хилийн цэргийн их баяр наадамд  барилдаж түрүүлэн  Цэргийн арслан цол   хүртэж байв.  Тэрээр Жинст  сумын 3 дугаар  багт   сүү тосны   заводын мастар, сумын  орлогч , багийн дарга, агент няраваар   ажиллаж байв. Батаа  нь Хөнөгийн голд   нутаглаж  байхдаа   шаварт унасан  тэмээг   хоёр  гараараа  цээжийг өргөж   гаргааг  бяр тэнхээтэй нутаг усандаа  тэмээ   өргөдөг гэж  алдаршсан хүн байв.  Тэрээр  Хөдөлмөрийн хүндэт медэль, гурван   таван жилийн  гавшгай цол  тэмдэг,  Ардын  хувьсгалын  ойн медалиудаар   шагнуулжээ.
    Цэрэндоржийн Батнасан /1912-1987/  1912 онд Жинст  сумын  нутагт төржээ. Бага наснаасаа мал малллаж  байгаад  1956 онд   нэгдэл байгуулагдахад анхны   гишүүнийн нэг болсон.  Тэр 1931 онд болсон  Улсын   сайн малчдын   анхдугаар   зөвлөгөөнд   оролцож улсын  сайн малчдын анхдугаар  зөвлөгөөнд  оролцож  улсын   сайн малчны   үэнэмлэх  тэмдгээр шагнуулсан.
    Батнасан нэгдэл нийгмийн  мал  маллан ашиг шимийн болон  төл  бойжуулах төлөвлөгөөг тогтмол   давуулан  биелүүлсэн учир   хөдөлмөрийн хүндэт  медалиар   шагнуулж   байв.  Тэрээр мал маллахын   зэрэгцээ   сумынхаа  хоршоонд   олон жил   агентаар   үр бүтээлтэй   ажиллаж   байв.
    Очирын Бямбаа- 1940 онд Жинст суманд  төрсөн. 1949-1959 онд  10 жилийн дунд сургууль, 1959-1963 онд УБДС-ийг суралцаж төгссөн. 1963-1974 онд Улаанбаатар  хотын  Политехникум, Баянхонгор   аймгийн   төвийн  10 жилийн   дунд   сургуульд   биеийн тамирын  багш, 1974-1978 онд  Өлзийт, Жаргалант сумын  сургуульд   багш, хичээлийн  эрхлэгч, 1978-2003 онд аймгийн БТС хорооны   дарга, “Номун далай  “ цогцолбор   сургуульд   багшилжээ.
    Бямбаа  Монголын багш нарын  4 дүгээр  их хуралд   төлөөлөгчөөр   оролцсон, Ардын боловсролын  болон  биеийн  тамир спортын   тэргүүний   ажилтан,  МХЗЭ-ийн  төв хорооны  алтан  медаль, ахлах , бүтээлч, тэргүүлэх, зөвлөх багш цол тэмдэгтэй. Ардын  хувьсгалын  ойн медалиуд, Боловсол  80 медаль, “Алтан  гадас”  одонгоор   шагнуулсан.
    Галсангийн Вандан- Жинст сумын  нутагт  төрсөн. Бага  дунд сургууль, Соёл урлаг ,киноны   жилийн  курс төгссөн. Тэрээр  1960  онд  Жинст суманд  нүүдлийн    киноны  цэг байгуулж , анхны   механикчаар  16 жил   ажиллахдаа  хөдөөгийн  хөдөлмөрчдөд киногоор үйлчилэхэд  морь, тэмээ,  трактор , машинаар   аппаратаа   ачиж  явж   малчны   хот, баг,   суманд  хурал зөвлөгөөн,   ойн   баяруудаар  кино урлагаар   үйлчлэн  хөдөөгийн   хөдөлмөрчдийн талархлыг хүлээж  1969 онд Ардын  Их Хурлын   депататаар  сонгогдож   байв.  Вандангийн   хөдөлмөр зүтгэлийг   төр үнэлэн  хөдөлмөрийн   гавъяаны   улаан тугийн одон, “Алтан гадас”  одон, Ардын  хувьсгалын  ойн медалиудаар   шагнажээ.
    Гэндэнжамцын Гомбо /1912-1974/ 1912 онд Жинст суманд төрсөн .Бага  насандаа   мал маллаж, Баянзүрхийн хийдэд  шавилан  сууж  байсан. Тэр Жинст  сумын “Дөл”   нэгдэлд түүхий   эдийн  эрхлэгч, тоо бүртгэгч,  Худалдаа  бэлтгэлийн ангид   агент, түүхий  эд хүлээн  авагч нярав  зэрэг  ажлыг  олон жил бүр бүтээлтэй   хийж  “Алтан гадас”  одонгоор  2 удаа   болон  Хөдөлмөрийн  гавъяаны  улаан тугийн   одонгоор  шагнуулжээ.
    Сангидоржийн  Гончигдорж – 1940 онд Жинст суманд  төрсөн. Баянговь суманд  бага  сургууль төгсч , цэрэгт   явтлаа   мал маллаж, багийн дарга   хийж байв.   1957 онд   ардын цэргийн   албанд очоод   хөгжмийн  салаанд  алба   хаажээ. Тэр  төвийн  10 жилийн  1  дүгээр сургуульд хөгжмийн   багшаар ажиллаж  , сурагчдын   үлээвэр найрал   хөгжим,   холимог найрал  хөгжмийн   хамтлагийг   20 шахам жил  үлгэр   жишээчээр  зохион байгуулж, олон   арван  авъяастныг  сурган    хүмүүжүүлсэн  бөгөөд   Жаргалант, Эрдэнэцогт, Жинст сумын   сургуульд хөгжмийн  багшаар   ажиллаж  сургуулиуд нь урлаг   соёлоор аймагтаа   манлайлж  байсан юм.  Гончигдорж хөгжим бүжгийн   хосолсон   концертыг  найруулан  тавьж, хөдөө   сумын  сургууль  аймгийн   төввд  тайлан тоглолтыг  хийх  санаачлан    тавьжээ. Монгол Улсын   тэргүүний багш цол, Ардын   боловсролын  болон Соёлын тэргүүний   ажилтан  юм.
    Дашдамбын Гунгаа- 1941 онд Жинст суманд төрсөн. 1949-1959 онд   арван жилийн   сургууль,  1964  онд  АУДС  төгссөн.  Аймгийн Магсарын нэрэмжит   нэгдсэн  эмнэлэгт мэдрэлийн  эмч, 1977 оноос  анагаах   ухааны   хүрээлэнд  эрдэм шинжилгээнийн ажилтан,  1978 оноос ЭХЯ-нд  боловсон хүчний   тасгийн  дарга, аймгийн нэгдсэн   эмнэлэгт мэдрэлийн эмч, 1989 оноос шаргалжуутын   рашаан сувилалд эмч, эмчилгээ эрхэлсэн   орлогчоор  ажилласан. 1989 онд зүү төөнө олон улсын   курст суралцаж тэрүүлэх зэрэг  хамгаалсан. “Алтан  гадас”  одон, Ардын хувьсгалын  ойн медалиудаар   шагнагдсан. Эрүүлийг  хамгаалахын   тэргүүний   ажилтан, рашаан   сувилалын тэргүүний  ажилтан цол тэмдэгээр   шагнагдсан.
    Цэрэндоржийн Гунгаа –Жинст суманд  төрсөн. 1957 онд  геологийн   байгууллагад   ажилчнаар   орж,  1958 онд   өрмийн   мастер  болсноос  хойш   өрмийн   ээлжийн   мастераар  15 жил  , жолооч   мастераар  8 жил   ажиллажээ.  Шарын  голын   нүүрс,  Хэнтий Дорнодын   уран  , Баянтээгийн   нүүрс,  Горхи Гурван   Баянгийн   болор, Баянхонгор  , Өвөрхангай,  Ховьд, Увс, Завхан  аймгуудын   нутагт   газар  доорх  усны  эрлийн   ажилд   өрөмдлөг  хийж   амжилт   гаргасны учир   “Алтан гадас”   одон болон  ойн медалиудаар  шагнажээ.
    Гэндэнжамцын Гэндэнсэнгээ  /1924-2002/-Жинст сумын   нутаг  Тариатад   1924   онд  төрсөн. 9 насандаа  ламын гэгээний  хүрээнд   шавилан  , 3 жил орхимж өмсч   явснаа   танхимын   сургуульд   орж  суралцжээ.  193   онд  Налайхын  нүүрсний  уурхайд   ажиллах   саналаа   өгч ажил   амьдралынхаа   гарааг   эхэлжээ.
    1944  онд  цэргийн  албанд   татагдан   штабын   бага даргын   сургуульд   суралцан , 1945 онд  төгсөөд   цэргийн клубын   болон сумангийн   орлогч даргаар   тус тус   ажиллаж  байгаад   1954 онд   цэргээс   халагдаж, 1959 онд БНМАУ-ын Соёлын яаманд орон нутгийн   соёл   урлагийн  асуудал  хариуцсан   референт, Улаанбаатар хотын  соёлын хэлтсийн   дарга,  геологийн   товчооны   орлогч   дарга,  орон  тооны  бус намын  үүрийн   даргын  ажил  эрхлэх болжээ. 1963-1975 онд Баянхонгор  аймгийн   геологийн   товчооны   орлогч дарга ,1975 онд Улаанбаатар хотод   ирж Түлш эрчим  хүч, геологи, уул уурхайн  яамны Барилга  контор , засварын  баазын  дарга, 1977-1979 онд мөн яамны   аж  ахуйн тасгийн  дарга, 1977-1979 онд   мөн  яамны   аж  ахуйн тасгийн   дарга ,1979 онос тус яамны   харъяа уурхайчдын  амралтын   даргаар  тус тус   томилогдон ажиллаж  байв.  Улсад   ажилласан  40 гаруй  жилийн  хөдөлмөрийг  үнэлж Хөдөлмөрийн   гавъяаны   улаан   тугийн   одон,  “Алтан гадас”  одон, Хөдөлмөрийн   хүндэт медаль, Тэргүүний  геологич, Тэргүүний   уурхайчин болон   Ардын  хувьсгалын   ойн   медалиудаар  шагнажээ.
    Дашдоржийн Гэндэн-Очир /1914-1965/ 1914 онд Жинст сумын   нутагт төрсөн. 1939-1944 онд жилийн цэргийн  Сулинхээрийн  заставт алба  хааж японы   түргэмгийлэгчдийн   эсрэг амжилтай   тулалдаж явсан ахмад  дайчин юм.
    Тэр цэргээс  халагдан   нутагтаа  ирж   мал маллан   нэгдэлжих   хөдөлгөөн үүсэхэд анхны   гишүүнээр  элсчээ . Эх  орноо  харийн дайснаас    хамгаалахад  Д.Гэндэн-Очирын   үзүүлсэн   гавъяаг үнэлж  Орос Монголын  онц  буудагч,халх голын  болон  Ардын хувьсгалын  ойн  медалиудаар   шагнажээ.
    Бадамдоржийн  Даваасүрэн- Жинст сумын  тэмээчин.Даваасүрэн гурван жил   дараалан  71-80 ингэнээс  71-80 ботого бойжуулж,   үйлдвэрлэлийн даалгаврыг  тогтмол  биелүүлж ирсэн   амжилтаар  1980   онд “Улсын  аврга малчин” болжээ.  
    Хандын Дарь-  1944  онд Жинст  сумын  нутагт  төрсөн. Жинст  сумын бага  сургууль, 1959 онд Өлзийт сумын   дунд   сургууль   төгсөөд  Анагаах Ухааны дунд   сургуульд  сурч  1963  онд төгссөн, эх баригч бага эмчийн мэргэжил  эзэмшин, Заг, Гурван булаг сумын эмчээр   ажилласан. 1966 онд   АУДС-д суралцаж, хүний  их эмчээр Хүрээмарал сум, Баянхонгор  аймгийн  Нэгдсэн эмнэлэгт дотрын эмч, лабораторын  эрхлэгч эмч, яаралтай   түргэн тусламжийн  тасгийн эрхлэгч эмчээр 35   жил  ажиллажээ. Дарь эмч   хүний   амь  насыг   аврахад зориулж   өөрөөсөө  38 литр   цусаа  бэлэглэж, 1985 онд Донорын  алтан медаль, 1987 онд “Хүндэт донор”  цол тэмдэгээр   шагнуулжээ. Түүний  ард   олныхоо   эрүүл энхийн төлөө хөдөлмөр  зүтгэлийг   төр  засаг   өндөр   үнэлэн   Эрүүлийг   хамгаалахын  Тэргүүний   ажилтан,2000 онд Баянхонгор  аймгийн  Тэргүүний   ажилтан  ажилтан цол тэмдэг, 2002 онд  “Алтан гадас”  одонгоор шагнажээ.
    Жанцангийн Дашдамба - /1903-1985/ 1903 онд  Жинст сумын нутагт төрсөн.                                                                                                                                         Зургаан   настайгаасаа Баянзүрхийн хийдэд  шавилан сууж түвд хэл бичигт   боловсорч  шашны   номыг тусгайлан  судалсан хүний нэг   байв.  1937 онд  хүрээ  хийдийг  тарааж, лам  хуврагуудыг   баримчлах үед   хөдөө  гарч  мал маллан   амьдарчээ. Тэр  сурч мэдсэн  бурхан   номынхоо ач  буянаар   Ламын гэгээний   шавь нутаг  Баянхзүрх, Өлзийтт, Жинст, Богд , Баянговь  , Баянлиги йн   ард олонд  тус  болж хүндлэгдэн шүтэгдсэн шашны   нэртэй  зүтгэлтэн   байв.
    Сүхийн Дашдондог- Жинст  сумын   нутагт төрсөн. Олон жил   тэмээ  маллаж ээлжийн  96 ингэнээс 96  ботго байожуулан   ноос  ашиг шимийн  даалгврыг   тогтмол  давуулан   биелүүлж, сум,  аймгйн аварга   малчнаар   шалгарч   байсан. 1972   онд   БНМАУ-ын  Аварга   малчин   цол авч  , Хөдөлмөрийн   гавъяаны  улаан тугийн  одон, Хөдөлмөрийн  хүндэт   медаль, Ардын  Хувьсгалын ойн медалиудаар  шагнуулжээ.
    Соном-Ишийн Дашцэвэл -  1944 онд Жинст сумын нутагт төрж, 1953-1963 онд Баянхонгор  аймгийн  10 жилийн   дунд   сургууль,  1963-1969 онд БНСВУ-ын  ИХ сургууль, 1979-1985 онд ЗХУ-ын  ШУА-ийн  Дорно  дахины    судлалын   аспинантур, 1993-1995 онд БНХАУ-ын   Наньжин хотын Их сургуулиудад суралцаж төгсчээ. Дашцэвэл  нь Гадаад харилцааны   яам, Шинжлэх  ухааны  акедимийн  хэл  , утга  зохиолын  хүрээлэн , ШУА-ийн Олон улс   судлалын   хүрээлэнд   ажиллаж  , тэнд  орчуулагч, судлаач, Эрдэм шинжилгэний ажилтан,  Эрдэмтэн  нарийн бичгийн  дарга  , Олон улс судлалын  төвийн захирал зэрэг   албыг хашиж, одоо ШУА-ийн  Олон улс судлалын  хүрээлэнгийн   Зүүн ба Зүүн өмнөд  Азийн   секторын   эрхлэгчээр   ажиллаж   байна. С.Дашцэвэл Орос улса   боловсролын  докторын   зэрэг  хамгаалсан. “Вьетнам Хяталын  харилцаа” , “Зүүн Өмнөд Азийн  олон улсын харилцаа ба Монгол улсын байр суурь”, “ХI зууны Монголын  эзэнт гүрний  харилцаа”, “Монгол улсын   үндэсний аюулгүй  байдал ба гурав дахь  түншүүд Өнөө ирээдүй”, “Азийн   бүс нутгийн   интеграц Монгол улсын   хөгжлийн  зарим   зарим асуудал”  зэрэг  хамтын   бүтээлүүдэд   зохиогч, редактор, төслийн  удирдагчаар  ажиллажээ. С.Дашцэвэл Вьетнам  хэлнээс  Ветнамын  уран зохиолын  олон ном орчуулж,Монгол Вьетнамын  Найрамдлын  нийгэмлэгийн даргаар  10 гаруй  жил   ажиллаж,  хойр орны найрсаг  харилцаа, хамтын  ажиллагааг  хөгжүүлэхийн төлөө   зүтгэж ирсэн  нийгийн   зүтгэлтэн юм.  Төр Дашцэвэлийн   хөдөлмөр  бүтээлийг   үнэлж “Алтан гадас “одон, Улс түний   энх тайвны   “Мөнгөн  од” одон, БНСВУ-ын  Найрамдлын  одон  бусад   медалиудаар  шагнажаа.
Лувсанцэрэнгийн Дашцэрэн- 1933 онд Жинст сумын нутагт төрсөн. 1942 оноос бага дунд боловсрол эзэмшин, оройн сургуулиар 10 дугаар анги төгссөн. 1958 онд Офицерийн курс, 1966-1969 онд ЗХУ-ын Фрунзын нэрэмжит цэргийн академи, 1976-1977 онд ЗХУ-ын Маршал Шапошниковын нэрэмжит тактикийн дээд курс төгссөн.  Дашцэрэн 1954 оноос цэрэг бага дарга, 1957 оноос салаа, салбарын дарга, батальон, хорооны штабын дарга, ангийн захирагч, сургалт эрхэлсэн орлогчоор ажилласан. Найрамдлын районоос АИХ-ын депатутаар сонгогдож байв. Дашцэрэн цэрэг армид жагсаалын цэргээс хурандаа хүртэл он удаан жил үр бүтээлтэй ажилласаныг төр засаг өнөрөөр үнэлж  Байлдааны гавъяаны улаан тугийн одон, Цэргийн гавъяаны одон, “Алтан гадас” одонгууд, байлдааны медаль, ардын хувьсгалын ойн медалиудаар шагнажээ.
Гэндэндоржийн Долгор- 1921 онд Жинст сумын нутагт төрсөн. Тэр тэнхимийн сургууль төгсч Заг суманд багшилсан. 1939 онд цэрэгт татагдан 5 жил алба хаагаад аймгийн санхүүгийн байцаагч, санхүүгийн хэлтсийн даргаар ажилласан. 1950 оноос сумандаа багийн дарга, Жинст, Баянцагаан сум-нэгдлийн даргаар ажиллаж Ардын хувьсгалын ойн медаль, “Алтан гадас” одонгоор шагнуулсан.
Цэрэнгийн Дорж- Жинст суманд 1927 онд төржээ. 1949 он хүртэл мал маллаж байгаад ардын цэргийн албанд татагдан 1951 онд халагдаж Улаанбаатар  хотын цагдан сэргийлэх байгууллагад орж төрийн албанд 28 жил ажилласан. Ажиллах хугацаандаа төр засгаас “Алтан гадас” одон, байлдааны медаль, бусад ойн медалиудаар шагнагджээ.
Лувсанцэрэнгийн Доржбат- 1934 онд Жинст сумын Ар цагаан  бургас гэдэг газар төрсөн. Мал маллаж байгаад ардийн армийн 0132-р ангид цэргийн алба хаасан. 1959 онд Дорноговь аймгийн төмөр замын 4-р ангид их засварын бригадад ахлах замчин, бригадын даргаар ажилласан.  Төмөр замын байгууллагад 37 жил ажиллаж хөдөлмөрийн хүндэт медал, хүндэт төмөр замчин, 1982 онд  ЗХУ-ын хүндэт төмөр замчин цол  тэмдэг, гурван таван жилийн гавшгайчаар  шагнагдсан. Доржбат 1983 онд бүх ард түмний урлагийн их наадмаас хүрэл медаль, 2007 онд манлай дуучин цол алтан медалаар шагнуулжээ.
Даваагийн Дорждулам- 1936 онд Жинст сумын нутагт төрсөн. 1954 онд аймгийн арван жилийн дунд сургууль, 1959 онд Хөдөө аж ахуйн дээд сургуулийн мал эмнэлгийн анги, 1971 онд ЗХУКН-ын Төв хорооны дэргэдэх Намын дээд сургуулийн сэтгүүлчийн анги төгссөн.  Малын эмч, сэтгүүлч мэргэжилтэй. 1959-1963 онд аймгийн мал эмнэлгийн лабораторын шинжлэгч, эрхлэгч, аймгийн мал эмнэлгийн газрын дарга, ерөнхий эмч, 1963-1992 онд “Үнэн” сонинд утга зохиолын ажилтан, хэлтсийн эрхлэгч, коллегийн  гишүүнээр ажилласан. Энэ хугацаанд Маскво дахь “Үнэн” сонины сурвалжлагчаар 2 удаа,  Куба болон Латин Америк хариуцсан сурвалжлагчаар нийт 12 жил ажилласан.  Гадаад оронд сурвалжлагчаар ажилааж байхдаа бичсэн сурвалжлага, тэмдэглэл, найрууллаараа “Тэнгэрт 1100 шөнө”, “Заяа төөрөг минь”  ном Б.Цэдэв, Соёлдэлгэр нартай хамтарч “Түмэн хүрээлж, төр соёрхсон гэр бүл” Төрийн соёрхолт Ц.Намсрайн гэр бүлийн тухай  ном, гавъяат эмч Нинжээгийнм тухай “Туулсан зам мину” зэрэг хэд хэдэн номыг бичилцэж ариутган шүүсэн. Монгол орны бага нэвтэрхий тльний нэг бүлгийг бичсэн. 2001 онд Төрийн соёрхолт , гавъяат жүжигчин Н.Сувдтай хамтарч “Эх үрсийн энэрэл” хөдөлгөөн эмэгтэйчүүдийн төрийн бус байгууллага байгуулж гүйцэтгэх захирлын албыг хашиж байна. Улаанбаатар хотын эмэгтэйчүүдийн зөвлөлийн зөвлөхийн сонгуультай. Дорж дуламын хөдөлмөр бүтээлийг төр засаг үнэлж “Алтан гадас” одон, Хөдөлмөрийн гавъяаны улаан тугийн одон, Ардын хувьсгалын ойн  болон Халх голын ялалтын ойн медалиуд, Монголын эмэгтэйчүүдийн холбооны хүндэт тэмдэг, МСНЭ-ийн шагналтай.
Сономдоогийн Доржням- 1939 онд Жинст сумын нутагт төрсөн. Тэр 1948 оноос Өлзийт сумын бага сургуульд 3 жил сурсан. Нэгдэлжих хөдөлгөөн өрнөж эхэлхэд сумынхаа анхны нэгдлийг байгуулалцсан ууган гишүүний нэг. Доржням 1961 онд нэгдлийн 100 шахам адуу хүлээн авч 7 жилийн хугацаанд малын гарзгүй маллаж сүргээ 300 болтол  өсгөж  адууны ашиг шимийн даалгаврыг тогтмол давуулан биелүүлж  сум, аймгийн олон удаагийн аварга болжээ.   Тэр 1972 онд улсын аварга малчин цолоор шагнуулжээ. Доржням аймгийн депатут болон АИХ-ын депатутаар сонгогдож байжээ. Төр засаг түүний хөдөлмөр зүтгэлийг үнэлж Хөдөлмөрийн хүндэт медаль, “Алтан гадас” одон, Ардын хувьсгалын ойн медалиудаар шагнажээ.
Ваанчигийн Доржпалам- Жинст сумын нутаг Нарийн хар гэдэг газар 1943 онд төржээ. 1962 онд 10жилийн дунд сургууль, 1966 онд ХААДС-ын мал зүйчийн анги төгссөн. Галуут, Баацагаан, Богд сумуудад мал зүйчээр 40-д жил үр бүтээлтэй ажилласаныг нь төр засаг өндөрөөр үнэлэн “Алтан гадас” одон, Хөдөлмөрийн хүндэт медаль, Ардын хувьсгалын ойн медалиудаар шагнажээ.
Намжилын Доржпалам- Жинст сумын нутагт төрж өссөн. Бичиг үсгийг бие дааж сурсан. Тэр цэрэгт явж бага дарга тушаалтай алба хааж, цэргээс ирээд Жинст сумын намын үүрийн орлогч даргаар ажиллаж байьв. Доржпалам 1962 оноос Намын дээд сургуулийн сэтгүүлчийн ангид суралцаж төгсөөд Өлзийт суманд ажиллажээ. Дараа нь аймгийн намын хороонд 20 шахам жил ажиллаж сонин хэвлэл, радио мэдээматериал олныг бичжээ.Монголын радио сонин хэвлэлийн газруудаас2 удаа тусгай шагналыг авч, Хувьсгалт 50, 60жилийн ой, Монголын  сэтгүүлчийн 4-р хуралд төлөөлөгчөөр оролцжээ. Тэр ХАА-г усжуулах ажилд сайн ажилласаны учир Засгийн газрын хүндэт жуух бичгээр шагнажээ. Мөн Тонгорог, Цагаан хадны даваа засах, мал төллүүлэх, бааз байгуулах, малын хаашаа хороо барих зэрэг ХАА-н материалын бааз бэхжүүлхэд хамт олныг сайн  зохион байгуулан оролцож байв. Төр засаг түүний хөдөлмөрийг үнэлж “Алтан гадас” одон, Хөдөлмөрийн хүндэт медаль, Ардын хувьсгалын ойн медалиуд, МАХН-ы төв хорооны хүндэт үнэмлэх, тэмдэг, Тэргүүний суртал нэвтрүүлэгч тэмдгээр шагнаж, Аймгийн намын хорооны хүндэт дэвтэрт бичжээ.
Бадарчийн Доржсүрэн- 1951 онд Жинст сумын нутагт төрсөн. 1958-1962 онд Сумын бага сургууль төгссөн. 1975-1993 онд аймгийн хөгжимт драмын театрын жүжигчинээр ажиллаж байв. Соёлын тэргүүний ажилтан, Төв халхын уртын дууны улсын уралдааны тэргүүн байрын шагналтай. Тэр алт мөнгөний дархан мэргэжилд бие даан суралцан мөнгөн аяга, ээмэг, бөгж зэрэг ур хийц сайтай бүтээлийг нутгийн ард олондоо хийж өгч талархлыг нь хүлээж байв.
Очирбатын Доржхүү- 1939 онд Жинст сумын нутагт  төрсөн. Сумын дунд   сургууль , Улаанбаатар   хотод   худалдааны   техникум, ЗХУ-ын  Москва хотод худалдааны   ажилтны    курс, 1975  онд Намын дээд  сургууль  төгссөн. 1959 онд Жинст  сумын   МХЗЭ-ийн   үүрийн  нарийн   бичгийн   дарга  , 1961 оноос Баян-Өндөр, Өлзийт  сумдын   худалдаа  бэлтгэлийн ангид  нягтлан бодогч, 1972 оноос   аймгийн МАХН-ын  хороонд санхүү аж  ахуйн  тасгийн эрхлэгч, Өлзийт  сумын худалдаа  бэлтгэлийн ангийн дарга, Өлзийт  сумын  Ардын хянан шалгах  хорооны   дарга, сумын АДХГЗ-ны  нарийн бичгийн  дарга, Иргэдийн  төлөөлөгчдийн  хурлын Тэргүүлэгчдийн  нарийн бичгийн  дарга, 1994 оноос   үйлдвэрлэл  үйлчилгээний  “Мөнгөн  өргөө” ХХк байгуулан   ажилласан. Одоо сумын Ахмадын хорооны даргаар  ажиллаж байна. Төр засгаас   түүний   хөдөлмөрийг үнэлэн   худалдааны  байгууллагын   тэргүүний   ажилтан,  Ардын  хувьсгалын   ойн медалиуд, “Алтан  гадас” одонгооор  шагнажээ.
Батын   Дундаа-  /1918-1979/ - 1918 онд Жинст сумын нутагт төрсөн. Бага  залуу насаа   мал  маллаж байгаад   1939 онд   цэргийн   албанд  татагдан   1939,1945 оны  дайнд оролцсон  ахмад дайчин   юм. Цэргээс  халагдаж   нутагтаа ирж тэмээ   маллаж байжээ. Б.Дундаагийн   байлдааны   болон хөдөлмөрийн   амжилтыг үнэлж   байлдааны   гавкяаны   улаан тугийн   одон, алтан гадас, ялалтын   медалиудаар  шагнажээ.
Дашгончигийн  Дэмбээ-1945 онд  Жинст сумын  нутагт  төрсөн. Тэр улсын  бэлтгэлийн малыг  22 жил   туужээ. Энэ  хугацаанд   мал сүрэгтээ тарга хүч 2 тонноос   дээш   махыг   төлөвлөгөөнөөс   давуулан   тушааж 1983 онд   БНМАУ-ын аврга туувирчин   цол   авсан. Тэр бас  улсын  тэргүүний анчин хүн.
Цэрэнванчинийн   Ёл /1916-1999/- 1916 онд Жинст  сумын   нутагт төрсөн. 1936 онд цэргийн   албанд   мордож  , Хамар даваа,  Хайлааст манхан, Халхын  сүмийг   чөлөөлөх тулалдаанд  оролцож цэргийн албыг  7 жил хаасан   ахмад  дайчин   юм. Ёл  1943 онд   цэргээс  халагдаж, нутагтаа   мал маллажээ. Түүний  хөдөлмөрийг үнэлэн “Бид ялав”, “Халхын   голын   ялалтын   ойн  медаль”-иуд,  Цэргийн гавъяаны    одонгоор   шагнажээ.
Даваасамбуугийн  Жанцан- 1936 онд Жинст суманд  төрсөн. Инженер-химич, химийн   ухааны  дэд доктор . Д.Жанцан  1957 онд   аймгийн  төвийн   10 жилийн   дунд сургууль төгсөөд   1957-1960 онд ХААДС, МУИС-ийн бэлтгэл   ангид   суралцсан. 1960-1965 онд эрхүү хотын   улсын   их сургуульд  суралцаж төгсчээ. Жанцан  Геологийн   төв лаборатори, геологи уул  урухайн хүрээлэн,  Монгол –Чехословакийн   метал  үйлдвэрийн  геологийн   лаборатори зэрэг газарт  олон жил   үр бүтээлтэй   ажиллажээ.  Тэр  “Баруун Монголын  Хан Хөхийн   районы  зэсийн  биогеохими” сэдвээр   1980 онд дэд эрдэмтний  зэрэг  хамгаалсан. “Монгол  орны   уулт хээрийн  бүсэд  зэсийн эрдэсжилтийг   заагч   ургамал” нэртэй   шинэ   бүтээл   туурвиж, салбарын  хэмжээний   шагналтан  болж байв. “Эх  дэлхийгээ   хэрхэн   судалсан нь” , “Өнгөт чулууны   тухай”  ном орчуулж, 50 орчим  баримтат өгүүлэл  нийтлүүлжээ.  Олон  жил  үр бүтээлтэй  ажилласны   учир  Ардын  хувьсгалын   ойн медалиуд, Засгийн  газрын   хүндэт  жуух,  салбарын тэргүүний  ажилтнаар шагнуулжээ.
Аварзэдийн  Лүгтэгсүрэн- 1947 онд Жинст  сумын  нутагт  төрсөн. Тэр Жинст  сумын бага   сургууль,   аймгийн төвийн  10  жилийн   сургууль, ХААДСургууль төгссөн. Мал зүйч мэргэжилтэй. 1970  оноос  Баянцагаан  сумын “Жаргалын зам” нэгдэлд  фермийн   эрхлэгч, нэгдлийн ерөнхий  мал   зүйч,  аймгийн АДХГЗахиргаанд  малын  зүй бус  хорогдолтой  тэмцэх аймгийн   комисын   эрдэм шинжилгээний   ажилтнаар  30 гаруй   жил ажилласан. Лүгтэгсүрэн  Монгол орны   ойт хээрийн бүсийн байгаль, цаг  уур, бэлчээрийн маллагаанд зохицсон шинэ  хэвшлийн  хонь  бий  болгох   үржил  селекцийн  ажлыг   удирдан   гүйцэтгэжээ.  1990 онд   “Жаргалант” нэртэйгээр  уг хонийг үржлийн  хэсгээр батлуулж, зохиогчийн  эрхийн гэрчилгээг авчээ. Олон  жилийн туршлага  судалгааны   ажлаасаа үндэслэн  “Нарийвтар ноостой, өөхөн   сүүлт хонь туурвиж ХАА-н  ухааны дэд эрдэмтний   зэрэг хамгаалсан. Засгийн  газрын хүндэт   жуух бичиг , Ардын хувьсгалын   ойн  медалиудаар  шагнуулсан.
Цэрэндоржийн  Маам /1923-1987/ - 1923 онд   Жинст  сумын   нутагт төрсөн. Тэр мал   маллаж   байгаад  20 насандаа   цэргийн албанд татагдан  Сулинхээрийн   цэргийн   ангид   5 жил   алба   хаан, эх орноо   хамгаалахад хувь нэмрээ   оруулсан ахмад дайчин  юм.  Түүний   хөдөлмөр   зүтгэлийг   үнэлэн   Байлдааны   медаль, “Бид ялав”, Ардын хувьсгалын   ойн медалтудаар  шагнажээ.
Вонзолын Магнай -/1914-1978/- 1914 онд  сумын  нутагт  төрсөн. Багадаа  мал  маллаж   байгаад  1942  онд  цэрэгт   татагдан  1945 оны  чөлөөлөх дайнд оролцосн  ахмад  дайчин . Магнай 1947 онд  нутагтаа   ирж, Жинст  сумын хоршооны   анхны   агентаар  хориод   жил ажилласан  .Жинст сумын Дөл нэгдэл байгуулагдах  анхны гишүүнээр орж,  мал   малласан  сум нэгдоийн  сайн  малчин, аймгийн  начин  цолтон байв.  Түүний  эх орноо хамгаалж  явсан хүчин зүтгэлийг   төр үнэлэн    Байлдааны  медаль, Халх   голын  30 жилийн  ойн  медаль, ахмад  дайчин цол   тэмдгээр шагнажээ.  
Мэндээгийн  Мишгээ- 1947 онд Жинст  сумын нутагт төрсөн. Бага  дунд  сургууль, няттлангийн  зургаан  сарын  курс төгссөн. 1963-2002 он хүртэл   Жинст, Богд  суманд Улаанбулан, клубын  эрхлэгч, Жинст суманд банкны   тооцооны   кассын   эрхлэгч, Дөл нэгдлийн   боловсон   хүчний   эрхлэгч ,Жинст сумын   эмэгтэйчүүдийн   зөвлөлийн  дарга, ХАА-н банкны  эрхлэгч  зэрэг   ажлыг дөч  шахам   жил  хийсэн. М.Мишгээгийн хөдөлмөрийн амжилтыг төр засаг   үнэлж Засгийн  газрын хүндэт   жуух бичиг , Ардын хувьсгалын  ойн медалиуд, Хөдөлмөрийн  хүндэт медаль, Монголын эмэгтэйчүүд болон   Хөнгөн  аж  үйлдвэрийн   байгууллагын  хүндэт тэмдгээр   шагнажээ. Нэгдэлчдийн  6-р их хурал, ХААҮЭ-н 7 дугаар  их хурал, Монголын эмэгтэйчүүдийн  5-р  их хуралд төлөөлөгчөөр  , Монголын   эмэгтэйчүүдийн  50,85 болон МЭ-ийн  2-р чуулганд урилгаар  оролцож   байв.  2002 оноос сумынхаа ахмадын  хорооны   даргаар   ажиллаж   байгаа.
Цэвэгийн Наранмандах -1977 онд Жинст сумын нутагт төрсөн. 1958-1993 онд  Жинст сумын дунд сургууль төгссөн. 1994 оноос мал маллаж сум аймгийн аварга   малчнаар   удаа   дараа   шалгарч  байв.  Наранмандах 2002 онд  МХЗЭ-н “Алтан од” , 2004 онд  УЗН-н “Шилдэг   залуу” алтан медаль, 2005 онд Мянгат малчин, 2000-2007 онд  “Манлай  малчин” цол   авчээ. Аймгийн   начин цолтой.
Бандийн Очирхүү- Жинст сумын нутагт төрсөн. Улсын  бэлтгэлийн   мал  олон жил тууж, малдаа   тарга  хүч сайн авахуулж, улсаас   өгсөн   даалгаврыг  давуулан   биелүүлж байсан   тул  1980 онд БНМАУ-ын  аварга  туувирчин цол  олгож, “Алтан  гадас”   одонгоор   шагнуулжээ.
Дашжамцийн Оюунтуяа- 1963 онд Жинст суманд  төрсөн. БНАГУ-ын  хүнсний   технологийн   сургууль, Отгонтэнгэр дээд сургууль, удирдлагын акедеми зэрэг хуульч мэргэжилтэй. Улсад  23 жил  ажилласан үүнээс  13 жил   нийслэлийн   Хан-Уул   дүүргийн   иргэний   бүртгэлийн   ахлах мэргэжилтнээр   ажиллаж  байна. Төр засаг   түүний  хөдөлмөр   бүтээлийг нь үнэлж “Алтан  гадас одон” , “Их  Монгол   улс байгуулагдсны  800 жилийн   ойн  медалиар   шагнажээ.
Дашдоржийн  Өлзийбат –Жинст сумын нутагт  төрсөн. Бага, дунд  сургууль,   ХААДС төгссөн. Мал зүйч   мэргэжилтэй. 1978 онд Сэлэнгэ  аймгийн Алтанбулагийн ХАА”н  техникумд багш,  салбарын   эрхлэгч,  ҮЭ-ийн хорооны  дарга, орлогч захирал, 1988 оноос Төв аймгийн   Заамар суман  дахь   ХАА-н   Мэргэжлийн   сургалт   Үйлдвэрлэлийн төвийн   захирлаар  ажиллаж  байна. Өлзийбат сургуулиа үлгэр   жишээ тохижуулан  , туслах аж  ахуй хөгжүүлэн  газар тариалан, мал  аж  ахуйн чиглэлээр  зохион  байгуулж   , багш, ажилчид  , дотуур  байрны  хүүхдийн  хэрэгцээг   хангах болжээ. Түүний  гуч  гаруй   жилийн   хөдөлмөрийг   төр засаг   үнэлж “Алтан гадас” одон, Ардын хувьсгалын   ойн  медалиуд, Ардын  боловсролын  тэргүүний  ажилтан, ХАА-н  тэргүүний ажилтан  цол тэмдгээр  шагнажээ.
Шижээгийн Паламдорж -1948 онд Жинст сумын  нутагт төржээ. 1966 онд   10 жилийн   дунд сургууль, 1973 онд ЗХУ-ын  Москва хотноо  цэргийн хими хамгаалалтын   академийг   инженер-химич мэргэжлээр  төгссөн. 1979 онд ЗХУ-ын зэвсэгт хүчний   Жанжин   штабын   академийн дээд   курсыг  төгсөж,  оператив тактикийн   мэргэжил   эзэмшсэн. 1982 онд Москва хотноо   хотноо  цэргийн хими хамгаалалтын акедимийн апъюнктурыг төгсөж, дэд эрдэмтний  зэрэг   хамгаалсан.  1998 онд   дэд профессор , 2002 онд  порфессор, 2004 онд цэргийн   шинжлэх   ухааны  докторын   зэрэг хамгаалсан. 2004 онд   Олон улсын  мэдээлэлжүүлэлтийн   академийн жинхэнэ   гишүүн-академичаар   сонгогдож ,МАА-н  салбарын захирагч,  ангийн штабын  дарга, Химийн хэлтсийн   дарга, БХЯ-ы   Химийн  хэлтэс,  ЦНДС-ийн   захирлын нэгдүгээр  орлогч, сургалтын   хэлтсийн   дарга,  ЦЭШИ/БХЭШХ/-ийн   эрдэмтэн нарийн бичгийн дарга, захирал, БХЭШХ-ийн  захирлаар ажиллажээ. Паламдорж нь БХЯ-ны  ШУТехнологийн  зөвлөлийн   гишүүн, БХИС-ийн   Эрдмийн  зөвлөлийн   дарга, Цэргийн   шинжлэх ухааны  докторын  зэрэг   хамгаалуулах  зөвлөлийн  гишүүн. Тэр   бие даасан  10 гаруй , хамтын  20   гаруй    ном сурах бичиг, гарын  авлага, бүтээл  туурвижээ. Цэргийн  гавъяаны   одонгууд, Байлдааны  медаль,Ардын  хувьсгалын  ойн  медалиудаар  шагнуулжээ.
Цэрэнхандын Пунцагданзан-1933 онд Жинст суманд   Ламын гэгээний  шавь  Домогт   бөх  өвгөний Гэндэндорж арслангийн   хүү  болон   төрсөн. Пунцагданзан ХАА-н байгууллагын   ахмад ажилтан, ХАА-н  нэгдлийн   холбооны  дээд   зөвлөлийн   гишүүн байсан. Пунцагданзан нь   Жинст  сумын   Дөл нэгдлийн   ерөнхий   нягтлан   бодогчоор  олон  жил  бүр бүтээлтэй  ажиллажээ. Түүний   Хөдөлмөр   бүтээлийг   төр засгаас   үнэлж  ХАА-н тэргүүний   ажилтан цол тэмдэг, “Алтан гадас” одон, Ардын   хувьсгалын   ойн медалиудаар   шагнажээ.
Даваасамбуугийн Пэлжидмаа -1932 онд   Жинст сумын нутагт  төрсөн. 1944  онд   сумынхаа  бага сургууль төгсөж малчин болсон.  1953 онд Улаанбаатарт ирж Төмөр замын   толгойт  өртөөнд сумчин, дараа  нь төмөр  замын   станцын  жижүүрийн мэргэжил эзэмшин уг мэргэжлээрээ  Толгойт   өртөөнд  10 жил, Сэлэнгийн  төмөр  замын   харъяанд 20 жил  нийтдээ   төмөр замын   байгууллагад   35 жил  ажилласан. Төр  засаг  түүний   хөдөлмөрийн  амжилтыг   үнэлж   Алтан гадас одон, Хүндэт   төмөр  замчин, Тэргүүний төмөр  замчин цол тэмдгээр   шагнажээ.  Мөн  МАХН-ын 19 дүгээр  их хуралд төлөөлөгчөөр   оролцож  байв.
Батдоржийн  Ринцэнсамбуу-Гачин буюу  Их Зарлигт   хэмээх хувилгаан  ламын  есдүгээр   дүрээр тодорсон Ринцэнсамбуу   гэгээн  Сайн  ноён  хан аймгийн Эрдэнэбандида Ламын  гэгээний   шавь одоогийн  Баянхонгор  аймгийн Жинст  сумын  уугуул.  Цэенгийн Батдоржийн  3 дугаар  хүү  болон   төржээ. 2004 оноос Б.Ринчинсамбууг бурханы   шашны   ёс жаягаар  шүүн  шинжээд  Монголын бурханы  шашны есдүгээр  Богд Живзундамба Жамбалнамдолчойжижанцан Дээрхийн  гэгээн  Далай  багшид  айлтган соёрхосны  дагуу  17 –р жарны   гал нохой   жилийн   өвлийн эхэн сарын  шинийн  15 буюу   аргын   2006 оны  11 дүгээр сарын  25-нд  түүнийг  Гачэн ламын  хойт дүрээр   тодруулан  зарлиг  болгож  Гачэн Чогбрүл Ринбочэ хэмээх цол өргөмжилжээ. Гачэн Чогбрүл Ринбочэ Б.Ринчинсамбуу гэгээнийг  2007 оны  08 дугаар сарын  16-нд эрдэнэцогт суман дахь   Пандэчойнхорлин хийдийн  ширээт  ламаар  өргөмжилж   Балдан Лхама Цогт төгөлдөр охин тэнгэр   бурханыг  залжээ.
Дондогийн Рэнцэн-1918 онд Жинст сумын нутагт  төрсөн. Бага  залуу   насаа  мал маллаж байгаад   1939 онд цэргийн   албанд   татагдан  Халх голд   их   бууны   наводчик хийж Японы   түрэмгийлэгчдийн   эсрэг   байлдаж явсан. Ахмад   дайчин   юм. Цэргээс  халагдаж  нутагтаа   мал   маллах, худалдаа   бэлтгэлийн  агент зэрэг ажлууд   хийж   байсан. Халх голд   байгуулсан  гавъяаг үнэлж   төр засгаас Байлдааны   гавъяаны   улаан  тугийн   одон Халх  голын ялалтын медалиудаар  шагнажээ.
Цэрэнгийн Самбуу -1912 онд Жинст  сумын нутагт төржээ.  1939   онд ардын   аримд   татагдан   Байшинтын 7-р  дивизийн  бага   даргын   сургуулийн  суманд  пулемёт бууны   наводчик сургалтанд  суун  төгсч пулемётчин  болсон  юм.  Цэргийн   албыг хаах  хугацаандаа  дээд тушаалын  албан хаагчдаас өгсөн үүрэг  даалгаврыг  нэр  төртэй   биелүүлж, сөрөг тагнуулын  үүргийг амжилттай биелүүлж явжээ.  1945  онд цэргээс халагдан тэр үеийн Дотоодыг  аюулаас хамгаалах яамны   Өвөрхангай   аймагт хэсгийн  төлөөлөгч хийж байгаад   1952 онд  гачигдлаар  ажлаасаа  гарч  1953-1969 онд Өлзийт , Баян-Овоо, Баян-Өндөр  сумдад   сум нэгдлийн   дарга,   аймгийн  ахуйн  үйлчилгээний газрын дарга , аймгийн барилга угсралтын  трестэд   гадаад, дотоод  материал харицусан орлогч дарга  зэрэг  ажлыг  хийж байжээ.  1969 -1974 онд Улаанбаатар хотын Улсын  түүхийн   төв Архивт архивчин байсан. Самбуугийн  улс орондоо хийж гүйцэтгэсэн ажлыг төр засгаас  Халх голын байлдааны   медаль, “Бид ялав”, Хөдөлмөрийн  хүндэт медаль  2 удаа, Ардын хувьсгалын  ойн медалиудаар   шагнагджээ.
Эдэнжавын  Самбуу –нэрт  барималч, уран дархан Эдэнжавын Самбуу  1829 онд  Жинст  сумын   нутагт төржээ.  Жирийн   адуучины   хүү  Самбуу  гол төлөв домгийн сэдэвтэй томоохон  уран бүтээлээр авъяас   билгээ  сорьж байжээ. Ламын гэгээний 8 дацангийн   дуганы  оройд зэс хөөж урласан   алтан   мармал   суварга, бодь  гөрөөсийг  нутгийн   нэрт   дархан  Мөндөр зэрэг нөхдийн хамт   бүтээжээ. Самбуугийн   олон сайхан  бүтээлээс  “Ногоон  , Цагаан Дарь  эх”, Дэлгэрдэг цэцэг буюу  Бадамлянхуа зэрэг   цөөн бүтээл нь  үлджээ. Самбуу   дархан  эхнэр хүний гоёл чимэглэл,эмээл, хазаар,  хударга, хөмөлтрөг,  баавар товруу, даруулга, хадлага чимгээс аваад   ардын  гоёл  чимэглэлийн  зүйлээс   урлан бүтээж   чадахгүй  зүйл  үгүй   байв. Энэ  төрлийн   бүтээлд  нь   хэт хутга онцгой  байр эзэлдэг. Хошуу   ноёноо  Бээжин явахад  түүнд  төмөр  гинжтэй   сонин   хэлбэртэй  төмөр хэт    хутга  урлан  өгчээ. Хэтийг  цохиход  улаан  гал   бадарч   галаас  нь хоёр   луу   тодордог  байв.  Мөн  гэгээндээ   хэт хутга   хийж   барьсан  мэдээ   ч   байдаг. Түүний  урласан  хэтийг  цохиход   гал  нь  8 морины дүрс  болон харагдаж байсан  гэдэг. 19 дүгээр  зууны   сүүл үед  Богдын  хүрээнд хэсэг   урчуудыг цуглуулж  Тулга хийлгэхэд   Самбуу  Дархны   урласан  тулганд  хүний  нүүр харагдаж  байжээ.  Энэ  нь  төмрийг өнгөлөхдөө   гарамгай байсны   баталгаа  билээ. Самбуу   дархан  хуучин  Жинст  сумын нутаг Хөнөг, Хүйсийн  гол, нарийн харын нуруугаар   нутаглаж байгаад  1914 онд  85 насандаа   таалал  төгсчээ.
Гэндэндоржийн Санги – 1922 онд Жинст суманд төрсөн. 15 нас   хүртлээ   мал  маллаж, 1939 -1944  онд Жинст  сумын ХЗЭ-ийн  үүрийн   нарийн бичгийн дарга багийн ухуулагч, суурин  төлөөлөгчөөр  ажиллаж   байгаад  1944 онд  цэргийн   албанд  татагдаж 1948 онд халагдаж ирээд  сумын захиргааны  нарийн бичгийн дарга,  нэгдлийн  нягтлан бодогч, зэрэг ажлуудыг  олон жил хашсан. Улсын  хил хязгаарыг   хамгаалах болон чөлөөлөх дайнд  идэвхтэй   оролцсоны учир  “Онц хилчин” дотоод яамны   хүндэт  үнэмлэх, “Бид ялав” медаль,  Хөдөлмөрийн хүндэт медаль, Ардын  хувьсгалын  ойн   медалиуудаар шагнагджээ.
Базарын Сангисэрээ /1946-2011/ -1946 онд Жинст сумын   нутагт төрсөн. Бага  насаа    мал маллаж   эцэг  эхийн  хамт өнгөрөөсөн. Цэргийн   алба  хаасан.Цэрэгт ирээд   баг, бригадын   даргын   алба  хашихын   хамт  13 жил нэгдэл  нийгмийн  адуу   маллаж , үйлдвэрлэлийн  даалгаврыг   бүрэн   биелүүлж байсан. 1990 онд Ардын  ИХ Хурлын   гишүүнээр сонгогдсон. Улсын  анхдугаар  үндсэн   хуулийг  батлалцжээ. Түүний  хөдөлмөрийг  үнэлж  Ардын  хувьсгалын  ойн   болон  Их Монгол  Улс байгуулагдсаны 800 жилийн   ойн  медалиудаар   шагнажээ.
Пагамын Санги-Очир -  1941 онд Жинст суманд  төржээ.  Тэр  1960 онд  Баянхонгор  аймгийн  төвийн   10 жилийн  дунд   сургууль, 1960 -1966 онд   ЗХУ-д   суралцаж эдийн    засагч   мэргэжил эзэмшив.
1966-1984 онд   Эдийн  засгийн  дээд сургууль, МУИС, Политехникийн  дээд   сургуульд  багш, тэнхимийн  эрхлэгчээр  ажиллаж   байв.  1976 онд эдийн засгийн    ухааны   дэд эрдэмтний  зэрэг хамгаалжээ. Ажлын амжилт бүтээлээр нь 6 –р  таван жилийн   гавшгайч цол  тэмдэг, Ардын  хувьсгалын  60 жилийн   ойн медаль, Онц  тээвэрчин цол тэмдгээр   шагнажээ.
Долгорын Содном- 1939 онд  Жинст сумын   нутагт  төрсөн. Сумын бага  сургууль төгсөөд   мал малласан. 1963  оноос   сумын цахилгаан  станцад моторчин, нэгдсэн бригадын даргаар   ажиллахдаа  оолон  шинэ   санаачилга гаргаж, зоодой  хийдэг  , ямаа  самнадаг   машинууд зохион бүтээж ашиглаж байв.  Түүний  хөдөлмөрийг төр  засгаас үнэлэн Хөдөлмөрийн    хүндэт   медаль, Ардын хувьсгалын   ойн  медалиуд, Алтан  гадас  одонгоор   шагнажээ.
Долгорын  Сономцэрэн -1906 онд Жинст сумын  нутагт  төрсөн. 1928 онд   Ардын цэрэгт   татагдан  зүүн хязгаарт гурван жил   цэргийн   алба хаасан. Энэ  хугацаандаа  дагалдан   суралцаж сувилагчийн   мэргэжил эзэмшин   нутагтаа   ирж, сумын   хүний эмнэлэгт сувилагчаар 1950 он хүртэл   хүн ардынхаа  эрүүл мэндийн төлөө   хүчин   зүтгэж   байсан юм. Сономцэрэн  нутаг  хошуундаа  “Гарамгай  хуурч”  хэмээн  хүндлэгддэж явсан  ахмад   хуурчийн   нэг. Уртын   дуу, Жонон харын  явдлыг   гарамгай   хуурдаж,  ардын  аман   зохиолоос аялгуулан  унших, морин хуураар  адуу  янцгаах, ингэ  ботго буйлах, нохой  хуцах зэрэг   мал амьтны   дуу  , үйл хөдлөлийг чадамгай   дүрсэлдэг авъяаслаг  хуурч явжээ. Сономцэрэн дууны нот тэмдэглэгээ  мэдэхгүй   боловч  хөгжмийн  нарийн   мэдрэмжтэй  , Монгол  ардын  айзам уртын  дуу, бэсрэг олон  дууны үг, аялгууг сайн    мэддэг,  хөгжимдөг, дуулдаг хүн байжээ. Өвгөн  хуурчийг  багшаа  гэж дуудаж хүндэтгэдэг   морин  хуурчид оолон   байсны   дотор   нэрт морин хуурч   Я.Балжир түүний   хадаг барьсан   унаган  шавь  нь юм.  Сономцэрэнгийн   хөдөлмөр   бүтээлийг   төр засгаас  үнэлж   Ардын хувьсгалын  ойн ба  “Бид  ялав” медалиар  шагнажээ.
Сүрэнгийн Сэрээтэр-1968 онд Жинст сумын  нутагт төрсөн. 1986 онд аймгийн  10 жилийн 1-р сургууль, 1992 онд МУИС-ийн  математикийн   ангийг  төгссөн. 1992 оноос   бизнес эрхлэн  1999 онд Сэлба  сервис”  ХХк байгуулсан. Компьютер хэвлэлийн  үйлдвэр болон   хэвлэлийн   материалын  худалдаа, жаазны   үйлдвэр, газар  тариалан  эрхэлдэг   тус  компани  нь улсад    жилд  30-аад сая   төгрөгийн  татвар төлдөг  бөгөөд гучаад   хүнийг ажлын байраар   ханган  ажиллаж  байна. Сэлба  сервис ХХК  -ийн  захирал  Сэрээтэр төрөлх нутгаа  хөгжүүлэхэд байнга   анхаарч  сумын   сургуульд  математикийн иж  бүрэн   кабинет  байгуулж  , нэг сая төгрөгийг бэлнээр  хандивлажээ. Тэр Улаанбаатар  дахь Жинст сумын  нутгийн  зөвлөлийн   даргаар ажилладаг.  
Маамын Тогоо -1943  онд Жинст  суманд төрсөн. Тэр  1962 онд   төвийн арван жилийн   сургууль, 1966 оноос   аймгийн   арван  жилийн  сургуульд,1976 оноос Улаанбаатар  хотын  Барилгын   коллежид багшилжээ.  Боловсролын   байгууллагад   42 жил   ажилласан. Түүний   хөдөлмөр   зүтгэлийг   төр үнэлж “Алтан  гадас” одон, Ардын хувьсгалын   ойн медалиуд,  “Багшийн гавъяа”,  тэмдэг, Ардын боловсролын   тэргүүний   ажилтан, Соёлын   тэргүүний   ажилтан,, Барилгын  Хөдөлмөрийн  гавъяаны   улаан тугийн   одонгоор  шагнажээ. 2008 онд  Дүүргийн  ИТХ-ын  тэргүүлэгчээр сонгогдсон.
Лувсандоржийн Тойв /1915-1970/ 1915  онд   Жинст  сумын  нутагт төрсөн. 1929-1934 онд  Багш  нарыг бэлтгэх    сургуульд суралцан   төгсч 1936 он хүртэл  Завхан  аймгийн   дунд сургуудьд багшилжээ. 1940-1942 онд Ленинийн нэрэмжит   Улс төрийн   акедими, 1947-1949 онд МУИС-д, 1962-1964 онд ЗХУ-д Дипломатын   дээд сургуульд  суралцан төгсчээ. Тойв 1938-1947 онд “Улаан од” сонины  эрхлэгч, Улстөрийн  газрын  суртлын хэлтсийн   эрхлэгч, 1947-1950 онд МАХН-ын төв  хорооны суртлын   хэлтсийн эрхлэгч,  1952 оноос  Монголын зохиолчдын  эвлэлийн  хорооны   даргаар  ажиллаж байв. Тэр 1953  оноос дипломат ажилд  шилжжээ. 1953-1957 онд ЗХУ дахь  БНМАУ-ын Элчин сайдын  яаманд   нарийн   бичгийн  дарга, зөвлөхөөр ажилласан. 1957-1960 онд Гадаад   харилцааны   яаманд  хэлтсийн   дарга,  1960-1962 онд Хятад улс дахь БНМАУ-ын Элчмэ  сайдын яамны  зөвлөх, 1964-1966 онд НҮБ-ын   дэргэдэх   БНМАУ-ын   байнгын   төлөөлөгчөөр, 1966 оноос ГЯЯ-ны  орлогч сайд, 1968-1970 онд   Гадаад  харилцааны   яамны   сайдаар ажиллажээ. Тойв улс орныхоо гадаад харилцааг  хөгжүүлэхэл төдийгүй  урлаг, утга  зохиолыг   хөгжүүлэхэд  жинтэй  хувь нэмэр   оруулсан төрийн  түшээ  юм. Төр  засаг  Тойвын  хөдөлмөрийг үнэлж “Алтан гадас” одонгоор 2 удаа, Хөдөлмөрийн  гавъяаны  одон, Онц бөгөөд  бүрэн эрхт   элчин  сайд цол  , Цэргийн хурандаа   цолоор шагнажээ.
Цэрэндоржийн Түвшинтөгс – 1967 онд   төрсөн. Жинст  сумын уугуул  . Хэнтий   аймгийн   10 жилийн   дунд сургууль,  1987-1992 онд   СУИС-д   суралцаж дуулаачийн   мэргэжил эзэмшсэн.  1996 онд  Итали улсын  Триест хотод   мэргэжил дээшлүүлсэн 1992-2007 онд  УДБЭТеатрт гоцлол  дуучин, 2006 оноос  СУИС-ийн дуулах   ур зүй  уран чадвар,  дуурийн  тавилын   багш , Нийслэлийн  “Улаанбаатра” чуулгын даргаар ажилладаг.
Энэ хугацаанд “Трубадур дуурийн  Граф Ди Луна, Отелло дуурийн  Яго, Учиртай гурван толгой дууринй  Юндэн болон худалдаачин, Чио чио сан дуурийн  Ямадори, Турандот дуурийн Мандарин дуурийн Кармен дуурийн Эскамеллио зэрэг дүрийг  амжилттай  бүтээсэн уран бүтээлч  юм.
Ц.Түвшинтөгс нь “Учиртай гурван толгой  “дуурийн  Улсын уралдаанд Юндэнгийн дүрээр тэргүүн шагнал, нитийн  дууны  “Морин хуур” уралдааны 1992,1996 оны тэргүүн байр,”Цагаан лавай” дууны уралдаанд  Сүүдэр цармын цэцэг дуугаар  тэргүүн байр, Зөвхөн Монголдоо дуугаар  тэргүүн  байр, “Хонгор зул” сонины нэрэмжит “Хайрын дууны наадам”-ын  тэргүүн байр, Б.Шаравын “Чингис  Хаан” дуурийн  Чингис хааны дүрээр  2003 оны шилдэг уран бүтээлчийн  шагнал авчээ.
Ц.Түвшинтөгс дуурийн урлагт оруулж буй  хөдөлмөр бүтээлийг  төр засгаас  үнэлэн 1997 онд “Монгол Улсын  Гавъяат жүжигтэн” цолоор шагнасан билээ.
Бандихүүгийн Цэвэл-1936 онд Жинст сумын  нутагт төрсөн. 1954 онд аймгийн 10 жилийн  1-р сургууль,1958 онд  Багшийн дээд сургууль төгссөн. Монгол хэл, уран зохиолын багшийн мэргэжилтэй. 1958-1997 онд Нийслэлийн 14 дүгээр  дунд сургуульд Монгол хэл, уран зохиолын багшаар дөчөөд жил  ажиллажээ.  Цэвэлийн хөдөлмөрийг үнэлж Хөдөлмөрийн хүндэт медаль, Засгийн газрын  хүндэт жуух бичиг, Ардын боловсролын тэргүүний ажилтан, Багшийн алдар, МХЗЭ-ийн  тэргүүний сэхээтэн алтан медаль, Ардын хувьгалын   ойн медалиудаар  шагнажээ.  Цэвэл багш  нарын их  хуралд   төлөөлөгчөөр  оролцож байв.
    Сумаадын Цэдэндамба-1915 онд  Жинст сумын  нутагт төрсөн.  1940-1944 ондЗХУ-ын  Дорно дахиныг  судлах   дээд  сургууль1948-1951 онд  ЗХУ-ын КОммунист  намын Төв   дээд  сургуульд  суралчаж төгсчээ.  Тэр  1938-1940 онд Дорнод  аймгийн   цэргийн  барилгад  ажилчин, бичиг   хэрэг,  Улсын   барилгын трестэд   байцаагч, 1944 -1953 онд МАХН-ын  Төв  хороонд зааварлагч, Төв хорооны  зохион  зааварлах  хэлтсийн  эрхлэгч,  1953-1956 онд Чойбалсан  аймгийн  намын   хорооны  нэгдүгээр  нарийн бичгийн  дарга, 1956 онд  УБДС-д түүхнийн багш, тэнхимийн эрхлэгч, 1956-1958 онд ГЯЯ-нд хэлтсийн   орлогч эрхлэгч, 1958-1960 онд Монголын  Энхтайван Найрадмдлын  байгууллагуудын  гүйцэтгэх  хорооны  орлогч дарга, 1963-1964 онд БНМАУ-аас БНЭУ-п Онц  бөгөөд  бүрэн  эрхт  элчин сайд, 1966-1968 онд  ГЯЯ-ны  боловсон хүчний   хэлтсийн дарга, 1968-1969 онд  ГЯЯ-ны  Ерөнхий  нарийн бичгийн  дарга, 1969-1972 онд Польш улс дахь  Монголын  ЭСЯ-ны нэгдүгээр нарийн бичгийн  дарга,1972 оноос  ЗХУ-ын  Эрхүү хот дахь   Монгол Улсын  Ерөнхий  консулаар ажиллаж байв. 1978-1988 онд Шашны   хэрэг эрхлэх  Зөвлөлийн  орлогч  даргаар ажиллаж байв. С.Цэдэндамбаа  1954 онд МАХН-ын 12 дугаар их  хуралд  төлөөлөгчөөр  оролцож, 1951-1957 онд   БНМАУ-ын АИХ-ын депутатаар  2 удаа  сонгогдожээ.  Түүний  хөдөлмөр   бүтээлийг   төр засаг  үнэлж, Хөдөлмөрийн  гавъяаны   улаан тугийн  одон, “Алтан гадас” одонгоор 2 удаа, Цэргийн гавъяаны  одон, Хөдөлмөрийн хүндэт медаль, Ардын  хувьсгалын  ойн медалиудаар  шагнажээ. Цэдэндамбаа “Тэргүүний  шадар”  дипломат цолтой байв.
    Цэенгийн  Цэрэн-Очир -1948 онд Жинст суманд төрсөн. Тэр  сумын  бага , Өлзийт  сумын  долоон  жил, аймгийн  10жилийн  дунд   сургуулийг  дүүргээд  1966 онд  МХЗЭ-ийн  илгээлтээр  Шарын  голын   нүүрсний   уурхайд очиж төмөр   замчин, экскавторын  машинчаар   ажиллав. 1973 онд  ЗХУ-ын Кемерово хотноо Үйлдвэрлэл   сургалтын  техникумд  суралцан   гүний  уурхайн  тоног   төхөөрөмжийн  цахилгаан  механикч мэргэжил  эзэмшээд  Налайхын  ТМС, Улаанбаатарт БҮТМС-д  ажиллаж байв.  Тэр М онгол  телевизэд   орчуулагч редактороор ажилласан.Цэрэн-Очир Орос хэлний  багшийн  дээд   сургууль төгсөөд  барилгын  мэргэжилтэн  бэлтгэдэг   сургуульд  есөн  жил  багшилжээ. 1990 оноос уурхайн  шинжлэх ухааныг   судалж энэ  чиглэлээр  дагнан ажиллажээ. Энэ хугацаанд  Монголын  зурхайчдын  холбоо, Зурхай-сүнс судлалын  Акедеми, Зурхай судлалын  академи , Зурхай судлалын  хүрээлэнгийн тулгын  чулууг   тавилцжээ. “Эрдмийн  5 чуулган”, “ 12 жилтний заяг   тэтгэх   бичиг”, “12 гэртний хувь заяаны   бичиг”, “Анагаах ухааны   зурхай “, “Төвд хэл эхлэн сурах дэвтэр ном тохимол хэвлүүлснээс  гадна жил бүр   цаг тооллын  дэлгэрэнгүй  бичгийг  зохион  боловсруулж хэвлэх энэхүү  эрдэм ухаанд  хойч үеэ бэлтгэх ажилд цаг  заваа  зориулж байна.  Цэрэн-Очир   зурхайн  Академийн  эрдмийн  жинхэнэ гишүүн , Зурхайн ухааны  академийн эрдмийн  зөвлөлийн  тэргүүн  бөгөөд  Зурхай судлалын  “Тэнгэрийн  утга” хүрээлэнгийн  захирлаар ажилладаг.
    Гончигийн  Цулбуур – 1950 онд Баянхонгор аймгийн   Жинст сумын   гуравдугаар багийн  нутаг “Бургатайн гол”-д малчин   ард Гончигийн  ууган хүү  болон  төржээ. Сургуульд   ортлоо  аав ээжийнхээ   заавраар хонь , хурга   хариулж өссөн.  Эцэг Гончиг, эх  Логиосүрэн нар  мал маллажяваалд   өрх гэрээ   барин айл  болж  , Жинс   сумын гуравдугаар  багийн   нутаг, “Тариат” Улаан уулын   өвөрт  нутаглан , мал  маллан  аж  төрөн амьдарч   явсан  хүмүүс.
    1957 оны хавар газар  хүчтэй  хөдөлснөөс Улаан уулнаас  Өлзийт   сумын нэгдүгээр  бригадын нутаг Шийрийн  шанд  гэдэг  газарт  нүүн  ирж,  Өлзийт  сумын нэгдүгээр   бригдад   шилжин   суурьжээ. Миний  эцэг  1960 оноос  эхлэн  бригадын агентийн ажлыг  1980 онд хүртэл нийтдээ  тасралтгүй  20 жил   агентийн  ажлыг  өр төлбөргүй , нэр  хүндтэй  хийж , худалдааны байгууллагын удирдлагадаа   итгэгдсэн , ард   түмэндээ  хайрлагдан   үндлэгдсэн  хүн.
    1968 онд дунд сургуулиа  төгсөж, Анагаах ухааны   дээд сургуулийн хуваарь  аван уг сургуулиа төгсөн түмэн олныхоо эрүүл мэндийн   төлөө  ажлын гараагаа Бөмбөгөр  сумаас   эхэлжээ.
    Тэрээр  МХЗЭ-ийн 18 дугаар   их хуралд  төлөөлөгчөөр  сонгогдож, хөдөлмөрийн  хүндэт медалиар   энгэрээ  мялаажээ. Мөн Москва хотод   яОлон улсын  эрүүлийг хамгаалахын  зохион байгуулагчдын  дээд курсэд 1 жилийн хугацаатай  суралцсан.    Москва  хотноо суралцаж  ирээд Баацагаан сум, Баянхонгор аймгийн  нэгдсэн эмнэлэг, Хэнтийн  аймгийн нэгдсэн эмнэлэгт  тус  тус  ажиллаж байсан. Хэнтий аймагт   ажиллаж, амьдарч байхдаа  хүний  их эмч  нарын  4,5-р их  хурал, МУЗН-ийн  4,5,6-р их хурлуудад төлөөлөгчөөр оролцож, 1990 онд Алтан гадас одонгоор  шагнагдсан.
    Цулбуурын  зүтгэл бүтээлийг төр засаг өндрөөр үнэлж, 2000 онд Эрүүлийг хамгаалахын  Гавъяат ажилтан  цолоор шагнагдаж, МХЗЭ-ийн   тэргүүний   ажилтан  алтан медаль,  эрүүлийг   хамгаалахыг  тэргүүний  ажиллтанц  цол тэмдэгээр   энгэрээ  мялаасан.                                                                                       
    Янжингийн  Чамин- /1930-1990/ 1930 онд Жинст  сумын нутагт төрсөн. Тэр  1940-1947 онд  Баянзүрхийн  7 жилийн   дунд сургуулийг дүүргэж, 1947-1964  онд Баацагаан  , Баянговь, Жинст, Богд ,Баянлиг суманд   багш,  захирлар  ажиллажээ.
     Чамин  1964-1968  онд Багшийн   сургууль, Намын   дээд сургууль төгсөн  Баянцагаан сум, аймгийн Худалдаа бэлтгэлийн газар, Усны  ах ахуйд намын үүрийн  нарийн бичгийн даргаар  1990 он  хүртэл  ажиллаж МАХН-ын  18 дугаар их хуралд   төлөөлөгчөөр  орж байв.  Түүний   хөдөлмөр   бүтээлийг  үнэлж “Алтан гадас” одонгоор 2 удаа, Хөдөлмөрийн  хүндэт   медаль, Ардын хувьсгалын   ойн медалиудаар  шагнажээ.
    Авгааны  Чимэдцэрэн- 1956 онд Жинст суманд төрсөн. 1980-1985 онд  ЗХУ-ын   Дотоод  явдлын   яамны   Академи, 1988-1990 онд Намын  дээд сургууль,1993-1995 онд   Төрийн  захиргаа  , Удирдлагын  хөгжлийн  институтэд  суралцаж төгсөн. Хууль зүйн магистр цолтой. Тэрээр ХБНГУ,ОХУ,Сингапур, БНХАУ, Филиппин, Япон, Египет, БНСУ-д  мэргэжил дээшлүүлэх  дамжаанд  хамрагдан суралцсан. Хуульч , удирдлагын  зохион байгуулагч мэргэжилтэй. Чимэдцэрэн нь 1977-1980 онд  Засгийн  газрын  ордны  комендатурт  хамгаалалтын  ажилтан,1985-1990 онд Улаанбаатар   хотын  Сүхбаатар  дүүргийн  Цагдаагийн   хэлтэс, Нийслэлийн цагдаагийн газар, ЦЕГ-ын өмчийн хэлтэст төлөөлөгч,  ахлах  төлөөлөгч, 1990-1996  онд Иргэний   бүртгэл мэдээллийн  улсын  төвд тасаг, хэлтсийн  дарга,  1998 оноос Нийслэлийн  цагдаагийн  газрын   Захиргаа удирдлагын  хэлтсийн  даргаар ажиллаж байна.  Чимэдцэрэнгийн   хөдөлмөрийн  амжилтыг   төрөөс үнэлж Цэргийн  хүндэт  медаль, Цэргийн  гавъяаны   одон, Цагдаагийн   алдар, Хууль зүйн  албаны   тэргүүний  ажилтан цол   тэмдэгүүдээр  шагнажээ.
    Дашдоржийн Шархүүхэн -/1927-1985/ 1927 онд  Жинст суманд төрсөн. Бага наснаасаа  мал  маллаж,  сургуулийн  хэрэгцээт түлш түлээ бэлтгэж байв. Тэр  1952 оноос   аймгийн  10 жилийн   сургуульд  тогооч  хийж байхдаа   ажлаараа  шалгарч МҮЭ-ийн   долдугаар   их хуралд  төлөөлөгчөөр   оролцжээ. 1959 онд   Улаанбаатар   хотод    ирж  Барилгын   трестэд   засварчин, шаварчин, будагчин, засал   чимэглэлчин, Төв шуудан, хөгжим бүжгийн   дунд сургуулт, ялалт  кино  театр, Засгийн газрын   өргөтгөл, Хан уулс  дүүргийн   Эрүүл мэндийн  төв, нэгдүгээр  эмнэлэг, Нарны  титэм, Монгол  кино үйлдвэр,  Говь  комбинат, Гутлын  үйлдвэр, Чехийн  элчин сайдын яманы   барилгад   ажиллаж  1975 онд   БНАГУ-п явж   мэргэжил дээшлүүлсэн. 1966 онд  МАХН-ын  15 дугаар  их хуралд   төлөөлөгчөөр   оролцож байв. Төр засгаас   түүний   хөдөлмөр   бүтээлийг үнэлж Сүхбаатарын  одон, Хөдөлмөрийн   гавъяаны  улаан  тугийн  одон,  бусад   ойн медалиудаар шагнагджээ.
    Бадрахын Эрдэнэбат -1963 онд Жинст сумын нутагт төрсөн. 1971-1981  онд Жинст сумын   бага, төвийн  10  жилийн   дунд сургууль, 1985 онд   Цэргийн нэгдсэн  дээд сургууль, 1998 онд ХБНГУ-ын  батальоны захирагчийн , 1999  онд бригад, хорооны  албаны  даргын  дамжаа, 2004 онд Батлан хамгаалахын   удирдлагын  академийг  оператив  тазтик , команд   штабын  мэргэжлээр   төгссөн. 1985 оноос Зэвсэгт  хүчний   ангиудад   салбаа, батарейн  захирагч, штабын  дарга,  дивизионы  орлогч, хорооны  төлөвлөлт хариуцсан   офицер, бригадын  сургалт  , соёл   хүмүүжлийн  албаны   даргын  туслах, байлдааны  бэлтгэлийн албаны   дарга, бригадын   артиллерийн  дарга, 2001 оноос Төв аймгийн Засаг даргын Тамгын газрын   цэргийн  штабын  офицер, 2002 оноос цэргийн   штабын  даргаар  ажилласан.  Зэвсэгт  хүчний  хураднаа  цолтой. Б.Эрдэнэбат “Алтан гадас” одон, Цэргийн  хүндэт   медаль, Ардын  хувьсгалын   ойн  медалиудаар   шагнагджээ.
    Сосорбарамын Эрдэнэмаам- 1953 онд Жинст  суманд төрсөн. 1971 онд төвийн   10 жилийн  1 дүгээр сургууль, 1977 онд Москва хотод  Ломоносовын   нэрэмжит  улсын   их сургуулийг   Хэл судлаач, дээд  сургуулийн   орос хэл,  уран зохиолын  багш мэргэжлээр   төгссөн.  1995 онд Москва хотод  хэл   бичгийн   ухааны  докторын  зэрэг хамгаалж  , 2002 онд  профессор цол авсан. Монгол  Улсын Боловсролын Шинжлэх ухааны  академийн   жинхэнэ  гишүүн. МУБИС-ийн Эрдмийн  зөвлөл, Монгол  Улсын Ерөнхийлөгчийн дэргэдэх   Стратеги  судлалын   Хүрээлэнгийн   Эрдмийн  зөвлөлийн  гишүүн, Хүмүүнлэгийн ухааны   их   сургуулийн   дэргэдэх төрөл  бус   хэлний   зэрэгцүүлсэн   судалгаагаар   эрдмийн   зэрэг   хамгаалуулах  Докторын  хорооны  гишүүн, ОХУ-ын  Буриадын Улсын их сургуулийн   Хүндэт  профессор. 1977-1981 онд МУИС-д  багш, 1981-1987 онд БНМАУ-ын  Сайд нарын зөвлөлийн орлогч даргын  нарийн бичгийн  дарга,  1987-1989 онд МАНХ-ын  Төв   хорооны  үзэл   суртлын   хэлтэст   зааварлагч  ,  1989-1991 онд Москва хотын  А.С.Пушкины   нэрэмжит   Орос хэлний  дээд  сургуулийн  Улаанбаатар  дахь   Салбарын орлогч  захирал, 1991-1992 онд Боловсролын яамны   Боловсролын мэргэжлийн  хяналтын албаны   улсын байцаагч, 1992-1996 онд  хөгжим  бүжгийн коллежийн   захирал, Монгол-Оросын   хамтрасан  3 дугаар   дунд сургуулийн захирал, Боловсролын яамны   дэргэдэх эрдмийн   зэрэг цол  олгох дээд  зөвлөлийн  эрдэмтэн нарийн бичгийн   дарга, 1996 оноос  Монгол Улсын Боловсролын  их сургуулийн Гадаад хэлний   тэнхимийн эрхлэгчээр ажиллаж байна. Эрдэнэмаамын  Монгол улсад   орос хэлийг  заах, түгээн дэлгэрүүлэх  үйлсэд   оруулсан хувь нэмрийг   нь үнэлдж  2002 онд Вашингтон хотноо  хуралдсан  Олон улсын   орос хэл  , уран зохиолын  багш нарын   холбооны   тэргүүлэгчдийн   шийдвэрээр “А.С.Пушкины   нэрэмжит Алтан медаль”-иар  шагнажээ. Эрдэнэмаам Боловсролын тэргүүний ажилтан цол  тэмдэг, “Алтан гадас “одонтой.
    Соном-Ишийн Юндэнбат-1946 онд   Жинст  сумын нутагт төрсөн. Сумын бага   сургууль, Баянхонгор хотын   10 жилийн  дунд сургуулийг төгссөн. Баянхонгор аймгийн  Соёлын ордонд  хөгжимчин,жүжүигчнээр ажилласан. 1969-1973 онд  УБДС-д суралцаж, хөгжмийн багш- удирдаач мэргэжлээр төгсөөд , 1973 -1984 онд Баянхонгор аймгийн Хөгжимт  драмын театрт хөгжмийн багш, удирдаачаар   ажилласан. 1984 оноос намын  дээд  сургуульд   суралцан улс төрийн  дээд боловсрол эзэмшсэн.
    Баянхонгор аймгийн   Намын  хороонд Үзэл суртлын   хэлтсийн   эрхлэгч,  аймгийн АДХГЗ-ны  Соёлын   хэлтсийн   дарга,  1990-1998 онд   Монголын   хөгжмийн   зохиолчдын эвэлийн   хорооны  орлогч дарга, тэргүүлэгч, 1999 оноос  Утга   соёлын  өвийн   үндэсний  төвийн гүйцэтгэх  захирлаар  ажиллажээ.
    Юндэнбат Ламын гэгээний  хийдийг  сэргээх,  Ламын  гэгээний  анхдугаар  дүр Эрдэнэбандида хутагт Лувсанданзанжанцангийн тухай  судалгаа  шинжилгээний ажилд оролцон Монголын  Эрдэм  дэрлэгрүүлэх  нийгэмлэгийн  5 дугаар их хурал_  МАНХ-ын   Онц  их хуралд  төлөөлөгчөөр   оролцжээ.
    ЗХУ,Польш, Герман, Япон, Солонгос зэрэг  оронд  утга   соёлын  өвийг   судлах, сурталчилах  ажлаар   явж илтгэл ,сонсгол тавин, Монгол үндэсний   утга соёлын   гайхамшигт  өв-Морин хуур хөгжим, уртын   дууны уламжлалт урлагийг  ЮНЕСКО-гос “ХҮн   төрөлхтнөий  утга  соёл, аман  өвийн  шилдэг дээж”-ээр  тунхаглахад  онцгой  хувь нэмэр  оруулжээ.
    Жавзмаагийн Вандандорж -1937 онд  Жинст сумын 2 дугаар багийн нутаг  “Хүрэн хос”-ын өвөлжөөн дээр төрсөн. 11 нас хүртэл  ээжийн гар   дээр хүмүүжиж байгаад  1948 онд Жинстийн бага  сургуульд орж,  1952 онд  төгссөн. 1955 онд нэгдэлд орж  мал маллаж байгаад  1958 оноос эхлэн  хүйсийн  бригда нярав, тоо бүртгэгч, даргаар  ажиллаж байгаад  1963 онд  сумын нарийн бичгийн  даргаар  ажилласан. 1968 онд Намын дээд сургуульд элсэн  орж  1970 онд  төгсөн Богд суманд сумын  орлогч  даргаар   томилогдон  12 жил  ажилласан. 1983 оноос Жинст суманд  орлогч даргаар ажиллаж байгаад 1998 онд өндөр настны  тэтгэвэрт гарсан.
    Түүний  төр түмэнд  зориулсан  40 гаруй  жилийн хөдөлмөрийг үнэлж  дараах  шагналуудаар шагнасан.  Үүнд: Ардын хувьсгалын  40,50,60,70,80,90 жилийн  ойн медалиуд, Их Монгол улс байгуулагдсаны  800 жилийн ойн медаль, Нэгдэлжих  хөдөлгөөн ялсаны  20 жилийн  ойн хүндэт медаль, аймаг байгуулагдсаны  50,60,70 жилийн  ойн медаль, сиситемийн  төв  байгууллагын шагнал болон  БНМАУ-ын статистикийн төв газрын  сайшаалын үнэмлэх /1974/,  БНМАУ-ын Сайд нарын зөвлөлийн зохион зааварлах хэлтэсийн  баярын бичиг /1982/, БНМАУ-ын Сангийн яам, статистикийн төв газрын   сайшаалын үнэмлэх /1973/, аймгийн намын  хороо, захиргааны дурсгалын хүндэт үнэмлэх /1981/, Ардын  хянан шалгах  хорооны баярын  бичиг /1977/, Богд сумын хүндэт  дэвтэрт 1983 онд, Жинст сумын  хүндэт  дэвтэрт 1994 онд бичигдсэн.
    Мөн  Хөдөлмөрийн  хүндэт медаль, 2013 онд төрийн   дээд одон Алтан гадас одонгоор   шагнагдсан.
    Гаваагийн Мөнхжаргал -1953 онд  2 дугаар багийн нутагт малчин ард  Гаваагийн хүү болон мэндэлсэн.
    1964 онд сумын  бага сургууль, 1968 онд Богд сумын  дунд сургууль, 1972 онд  Дундговь аймгийн  Хөдөө  аж  ахуйн техникумд суралцаж  төгссөн.
1975 онд  төгсч  ирээд  1996 онд  тус  сумын Хөнөгийн багт малын  эмчээр тасралтгүй  21 жил   ажилласан байна. 1989-1994 онд  Улаанбаатар  хотод  ХААИС-ийг мал  зүйч мэргэжлээр  төгссөж дээд   мэргэжил эзэмшсэн  байна. 2001-2004 онд Хөнөгийн  багийн Засаг   даргаар ажиллаж  байсан. 2005 оноос  сумын Байгаль орчны   Хяналтын улсын байцаагчаар   томилогдон   ажилаж  байна.
    Ажиллах хугацаандаа “Сумын аварга” 2 удаа, аймгийн “Аварга мэргэжилтэн” цолыг  1 удаа  авсан байна.
    Сумын  АДХ болонИТХ-д  удаа  дараа  сонгогдон ажиллаж байсан. Аймгийн МАХН-ын бага хурал, нэгдэлчдийн ИХ Хурал малчин,  тариачин  их хуралд   оролцож байсан. 2006 онд 10 сард  болсон Мэргэжлийн  хяналтын  газрын улсын байцаагчдын анхдугаар зөвлөгөөнд  оролцсон.
    Ажил мэргэжлийн чиглэлээр ХАА-н тэргүүн, Байгаль  орчны  тэргүүний  ажилтан цол тэмдэг, Ардын хувьсгалын  70,80,90 жилийн  ойн медаль, 2013 онд  Алтангадас одон авсан. 2014  оноос  тэтгэвэрт гарсан. Одоогоор  сумын Ахмадын хорооны тэргүүнээр  ажиллаж   байна.

____________оОо___________