Асуулт: Л.Сугармаа: Сайн байна уу. Өөрийгөө танилцуулаач.
Хариулт: Д.Амарамгалан: Намайг Дуламханд овогтой Амарамгалан гэдэг. Би 1984 онд Улаанбаатар хотод төрсөн. 2008 оноос Жинст сумандаа шилжин ирээд  одоог хүртэл  эхнэр 2 хүүхдийн хамт амьдарч байна. Манай ээж аав Жинст сумын уугуул хүмүүс байдаг.
Асуулт: Л.Сугармаа:Ажлын туршлага:
 Хариулт: Д.Амарамгалан:
- 2005-2008 он хүртэл Монголын оюутны холбоонд менежер
- 2009-2013 онд Жинст сумын Засаг даргын орлогч
- 2014 оноос одоог хүртэл Жинст сумын Төрийн банкны салбарын эрхлэгчийн ажлыг хийж байна.
- 2012 оноос Жинст сумын ИТХ-ын төлөөлөгч
Асуулт: Л.Сугармаа:НӨУБ-тай хэрхэн холбогдсон бэ?
Хариулт: Д.Амарамгалан: 2012 оны орон нутгийн сонгуулиар сумын ИТХ-ын төлөөлөгчөөр сонгогдсон. 1 удаа сонгогдож байна.
Асуулт: Л.Сугармаа:Та ИТХ-ын төлөөлөгч гэж хэнийг хэлэх вэ? 
Хариулт: Д.Амарамгалан: ИТХ-ын Төлөөлөгч нь сум орон нутгийнхаа хөгжил дэвшилд гар бие оролцон олон талын мэдлэг чадвартай хүмүүсийг хэлнэ гэж боддог. Иргэдийнхээ эрх ашигт нийцсэн шийдвэр гаргадаг байх ёстой.
Асуулт: Л.Сугармаа: Та манай сумын хамгийн залуу төлөөлөгч байна. НӨУБ-тай холбогдоод багагүй хугацаа өнгөрлөө. Та НӨУБ-ын жаргал зовлон, тулгамдаж буй асуудлыг юу гэж боддог вэ? Цаашид НӨУБ-ыг бэхжүүлэхийн тулд юу хийх ёсой гэж боддог вэ? .
Хариулт: Д.Амарамгалан: Сумын ИТХ-ын хувьд төсөв мөнгө муутайгаас төлөөлөгч бүр тойрогтоо ажиллах нь хомс, ард иргэдтэйгээ байнга уулзаж чадахгүй байдаг.
Асуулт: Л.Сугармаа:Аливаа үйл ажиллагаанд ард иргэдийг оролцоог нэмэгдүүлэхийн тулд юуг анхаарах шаардлагатай юэ?
Хариулт: Д.Амарамгалан: Аливаа сум орон нутгаас зохиож байгаа ажилд иргэдийн дунд тэмцээн уралдаан сугалаа ч юм уу иргэдийг идэвхижүүлэх ажил зохиовол иргэд их хамарна.
Асуулт: Л.Сугармаа:Таны хувьд хөдөөний багаас  сонгогдсон төлөөлөгч. Сум багийнхаа сонгогчдоос гарсан саналуудыг хэрхэн шийдвэрлэдэг бэ? Хичнээн асуудал шийдвэрлэж байна вэ?
Хариулт: Д.Амарамгалан: Ард иргэдийнхээ асуудлыг шийдвэрлэхийн тулд л ажилдаг. багийн төвийн барилга хуучин барилгатай байсан учир хурал цуглаан хийхэд хүндрэлтэй байсан. Энэ жилийн хувьд шинэ багийн төвтэй болж багийн төвийн нээлтэй хийж багийн өдөрлөг хйисэн. Мөн худаг усны ауудал байдаг. Хөрөнгө мөнгөтэй холбоотой хүлээгдэж байгаа ажлууд байдаг.
Асуулт: Л.Сугармаа: Таны бодлоор сумд хамгийн их тулгамдаж байгаа асуудал юу байна вэ?
Хариулт: Д.Амарамгалан: Сумын төсөв санхүү туу байгаатай холбоотойгоор хийгдэж ажлууд их хойшилж байна. Малчдын хувьд худаг усны асуудал их байна.
Асуулт: Л.Сугармаа:Сум орны хөгжлийн талаар таны санал?
Хариулт: Д.Амарамгалан: Сум орон нутаг минь сайхан хөгжиж байна. Өнгөрсөн 2014 онд манай сум Түүхт 90 жилийн ойгоо тэмдэглэж олон бүтээн байгуулалтын ажил хийсэн. сумын өнгө үзэмж сайжирсан. хүмүүсийн амьдрал ахуй сайжирч олон сайхан барилга байшин барьж сум орон нутагтаа суурьшин амьдарч байна. Мал ахуй 5 төрөл дээрээ өсч малчдын амьдрал ахуй сайжирч байна.
Л.Сугармаа: Ярилцсанд баярлалаа. танд ажлын өндөр амжилт хүсье.
Д.Амар-Амгалан: Баярлалаа.